fbpx
رئيس التحرير ( اسلام عبيد )
موقع الفن الرائد في مصر والعالم العربي

عفاف شعيب: بحب اللبس الغالي وبشتريه كله من ألمانيا واتعملي سحر كتير

0 66

تحدثت الفنانة عفاف شعيب عن سر تعرضها للسحر من أصدقائها في الوسط الفني وخارجه، وذلك خلال حلولها ضيفة على برنامج “واحد من الناس”، الذي يقدمه الإعلامي عمرو الليثي على قناة “الحياة”.

الفن اليوم يرصد في ذلك التقرير تصريحات عفاف شعيب في برنامج واحد من الناس

عفاف شعيب: اتعرضت للسحر كتير

قالت عفاف شعيب: “اتعملي سحر كتير وامي الله يرحمها كانت تقولي خليكي في آية الكرسي، ولما شوفت الشيخ الشعراوي كذا مرة وقالي خلي لسانك دايمًا عامر بذكر الله، ولاد الكار ممكن يسحروا لبعض وفيه منهم جوا  وبرا الوسط، ومرة واحدة قالتلي بتعملي ايه في وشك ومافيش ثواني لقيت وشي ورم ، والحمد لله ربنا مديني حتة إني أعرف مين اللي بيحبني ومين اللي بيكرهني”.

ونفت الفنانة عفاف شعيب خضوعها لـ أي عملية تجميل طوال مسيرتها الفنية.

عفاف شعيب: بحب اللبس الحلو وأمي ديما كانت تقولي الغالي تمنه فيه

وتطرقت عفاف شعيب بحديثها عن أزيائها، فقالت: “نا بحب اللبس الحلو وأمي قالتلي اوعي تشتري الرخيص والغالي تمنه فيه والكلمة دي في وداني لحد دلوقتي، وانا محجبة فبدوخ عشان الاقي بلوزة وطرحة حلوة وفي محل بتعامل معاه من ٣٠ سنة وفي ثقة بيني وبينه ولبسي كله من المانيا”.

عفاف شعيب ترد على شائعة وفاتها

وردت عفاف شعيب على شائعات وفاتها، فقالت: “هنموت كلنا واللي نزل الخبر هيموت، دول موتوا عادل إمام واحمد بدير اللي مات وصحي كام مرة، وابتلينا بحاجة اسمها السوشيال ميديا”.

وسبق، وأن تعرضت عفاف شعيب لانتقادات لاذعة بسبب تصريحاتها عن شراء ملابسها من ألمانيا، فقالت: “ناس فاضية ورايقة معندهمش ضمير ومتنمرين وقاعدين لنا على الواحدة ودا كلام مش لطيف وبعدين أنا بتكلم بصدق شديد جدا مبعرفش ألف وأدور أو أكذب.. أنا بقول بما يرضي الله، ليه متكلمتوش على واحدة بتقول أن فستانها بمليون جنيه وأتكلمتوا عليا لما قولت أني بجيب لبس ألماني، وأنا مش بلاقي البدل اللي أنا عايزاها إلا في اللبس الألماني، “المقاسات في ألمانيا بتبقى مظبوطة من أول مرة قياس لكن المصري بفضل أقلب الدنيا كلها وألف كل محلات مصر ملاقيش الحاجة المناسبة بالنسبالي”.




المصدر

اترك تعليقا