إزاي تتعاملي مع ابنك او بنتك في ؟ دينا النقراشي توجه لكِ النصيحة

إزاي تتعاملي مع ابنك او بنتك في ؟ دينا النقراشي توجه لكِ النصيحة:-

1-لما ابنك يكون عايز حاجة مش من حقه وبيصرخ ويعيط.

قوليله ..انا فاهمة.. بس انت عارف مش هينفع تاخدها ✅

متقوليش .. خدها بس بطل عياط ❌

2-عايزة تقوميه من قدام التاب او التلفزيون.

قولي .. تعالي نلعب لعبة ✅

متقوليش .. قوم يلا كفاية كدا ❌

3-ياكل اكله .

قولي .. كل عشان تبقي قوي وذكي زي بابا ✅

متقوليش .. لو مأكلتش هتبقي صغير وضعيف ❌

4-لما تحسي انه خايف او قلقان.

قولي .. تعالي نتكلم ف الموضوع دا ✅

متقوليش ..انت جبان انت قلقان❌

5-لما يكون مضايق.

قولي ..انا عارفة انك زعلانة .. ولو فضلت زعلان انا كمان هزعل ✅

متقوليش .. بطل عياط ❌

6-لو ف الملاهي ورافض يمشي .

قولي ..انا عارفة انك عايز تلعب شوية كمان بس احنا لازم نمشي دلوقتي وهنيجي يوم تاني نقضي وقت حلو اكتر ✅

متقوليش .. انا مش هجيبك تاني .. او انا قولت يلا نمشي يبقي نمشي ❌

7-لو سألك سؤال انت متعرفيش ايجابته .
قولي ..انا لسة معرفش.. اول ما اعرف هقولك ✅

متقوليش .. معرفش او انا اعرف منين ❌