الفن اليوم جمال العدل: محمد رمضان بيعمل للشباب إحباط



كشف المنتج جمال العدل عن رأيه في تصرفات الفنان محمد رمضان، علىمواقع التواصل الاجتماعي ونشره لصور لمقتنياته وسياراته.

جمال العدل قال: “من وجهة نظري وفي رأيي المفروض محمد رمضان ميعملش كده، والمفروض ميبقاش عنده أكثر من عربية، لأنه بدل ما يكون مثال للشباب بيعمل لهم إحباط، في حين أن أحمد زكي مجابش عربية مهمة إلا بعد فترة”.

وأضاف: “”كواحد في سني بحس أن اللي بيعمله مش مظبوط وقلت له الكلام ده، لكن من وجهة نظره وطريقة تفكيره هو ناجح جدا ويمكن أنا اللي مش فاهم ده”.

وتابع: ” “مثلا بيحط صورة يظهر فيها فلوس جنبه ويتشتم وبعد 20 ساعة يشيل الصورة، هل هو مش متوقع أنه هيتشم؟ بس بقى تريند وجايز هي دي دماغه، أنا في الآخر دا ميسعدنيش لكن هو مبسوط”.

وعن رأيه في محمد رمضان كفنان قال: “محمد رمضان قماشته واسعة قدر يغني ويعمل كوميدي وتراجيدي وشعبي، وفيلم “ع الزيرو” أخد رد فعل نقدي كويس، لكن محققش نجاح كبير لأنه مش شبه أفلام العيد”.



المصدر
مجلة الفن اليوم دليلك لعالم الفن