الفن اليوم محمد ممدوح: قشعرت من أداء منى زكي في “لعبة نيوتن” وكان نفسي أبقى جزء من “تحت الوصاية”



تحدث الفنان المصري محمد ممدوح عن تعاونه مع النجمة منى زكي في مسلسل “لعبة نويتن”.

حيث قال: “منى زكي ممثلة ممثلتش قدام حد زيها قبل كده، وفي لعبة نيوتن في مشهد ليها وهي بتاخد حقنة الحمل المجهري أنا قشعرت من أداءها ورجعت بضهري من الانبهار وأول ما خلص المشهد كل الناس قعدت تصقف بشكل لا شعوري”.

وأكد أنه تعلم منها الكثير أثناء عملهما سويا، حيث قال: “أنا اتعلمت منها كتير كنت أشوفها تقعد تجري فترة طويلة علشان تظهر في مشهد بتنهج بجد، بالرغم إنها تقدر تمثل إنها بتنهج، لكن هي بتبقى عايزة تكون حقيقية في اللحظة دي”.

كما تحدث عن الهجوم الذي تعرضت له قبل عرض مسلسلها الأخير “تحت الوصاية”، وقال: “مش لازم طول الوقت دماغنا تبقى تحت وصاية الناس دي، اللي بيقل أدبه ده أنا مش عايز اسمع منه نقد أصلا، احنا بنتقبل النقد لكن بطريقة محترمة”.

وعبر عن إعجابه الشديد بمسلسل “تحت الوصاية” وقال: “أنا بالنسبة لي مسلسل تحت الوصاية ده رمضان لوحده واحنا كلنا بكل مسلسلات الوطن العربي في جنب تاني، فهو مسلسل مشرف لينا كلنا وكان نفسي أبقى جزء منه”.



المصدر
مجلة الفن اليوم دليلك لعالم الفن