قصيدة بعنوان “أنا مش أيوب” بقلم الشاعر “إسلام رامو”

كتبت: إلهام علاء

 

أنا المكروه و أنا المحبوب
أنا الصابر و مش أيوب
أنا العاصي لكن إنسان
منيش معصوم وفيا عيوب
أنا الطيب بقلب أسود
لكن يتشاف بلون التوب
أنا إللي صراحتي بتزعل
فأقوم أنا أجامل المعيوب
أنا الضحكه في عز الهم
بتفرح معاها قلوب
لكنها عني لو غابت
بينهم أبقي مش مرغوب
أنا الصالح لغير نفسي
و أنا لنفسي ببقي ذنوب
أنا الشخص إللي مش موجود في و اقع حد
لكني ضئ في العتمه وضلك بس بالمقلوب
تشوفني طيف في وقت خريف
تشوفني نجمه وقت غروب
أنا السر اللي مهما داريته
ميبقاش للبشر محجوب
أنا الكاهن في دير ذاته
و أنا الماوي لأحلامك
و أنا الصوت اللي بينادي
في روحك عن ذنوبها تتوب