عمرو يوسف يتقدم ببلاغ للنائب العام ضد ناشري خبر المخدرات

تقدم المحامي حسام الديب، بصفته وكيلا عن النجم عمرو يوسف، ببلاغ إلى المستشار نبيل صادق، النائب العام، يطالب فيه بالتحقيق مع إحدى المؤسسات الصحفية والصحفي الذي قام بنشر خبر كاذب، يفيد بالقبض على موكّله بصحبة زوجته الفنانة كندة علوش، وقُيّد البلاغ برقم 9735 لسنة 2017 عرائض النائب العام.

يذكر أن عمرو يوسف بث فيديو عبر صفحته الشخصية بموقع “فيس بوك”، قائلا: “صحيت النهاردة الصبح على خبر بايخ جدا وغريب جدا، كاتبين أحد المواقع أنه تم القبض عليا أنا وزوجتي في القاهرة، ومعانا أقراص مخدرة، طبعا الموقع ده المفروض أنه موقع محترم وكبير وله اسمه”.

وتابع عمرو يوسف في الفيديو: “مبدئيا كندة مراتى فى الجونة، واللى متابعنا على السوشيال ميديا بقالنا فترة قاعدين فى الجونة، وأنا رجعت امبارح وهى لسه هناك، عشان كان عندى اجتماع شغل، امبارح والنهاردة وهسافر تانى، الموضوع مالوش أى أساس من الصحة، صحيت النهاردة لقيت الخبر زى الناس بالظبط، لقيت واحد صاحبى بيصحينى الحق ده فى خبر كذا كذا”.

وأضاف عمرو يوسف: “بعمل الفيديو ده عشان 3 حاجات أول حاجة عاوز أطمن كل الناس اللى بتسأل عليا والتليفونات الكثيرة اللى مش عارف ارد عليها كلها، بشكركم جدًا أنا زى الفل وما فيش أى حاجة وكندة فى الجونة واحنا زى الفل”.

وتوعد عمرو يوسف ناشر الشائعة قائلا: “تانى حاجة كل موقع أو صحفى كتب من غير ما يتحرى الدقة أو يتأكد من الخبر أنه صح أو غلط، في قضايا ها تترفع علشان نجيب حقنا بالقانون”.

[ad_2]